სალომე ზურაბიშვილის გაპრეზიდენტების შემთხვევაში, მეუფე ანტონი ქვეყნის დატოვებას აპირებსსექტემბერი 23, 2018

ვანისა და ბაღდათის მიტროპოლიტი ანტონი სალომე ზურაბიშვილის გაპრეზიდენტების შემტხვევაში, ქვეყნის დატოვებას აპირებს. ამის შესახებ მან ტელეკომპანია “რუსთავი 2“-თან ინტერვიუში განაცხადა.

„მე ვიცი, რომ არ გახდება და თუ გახდა, მე ვცდილობ, როგორ დავტოვო საქართველო და არ ვიცხოვრო საქართველოში იმიტომ, რომ ვიცი, მომიწევს ისეთების გაკეთება, რაც არ შეეფერება ჩემს სახეს და ჩემს ყოფას,“ – განაცხადა მიტროპოლიტმა.

მეუფე აცხადებს, რომ სალომე ზურაბიშვილი მისთვის მიუღებელი საპრეზიდენტო კანდიდატია და, თუ ის პრეზიდენტი გახდება, ეცდება, ქვეყანა დატოვოს.

მეუფე ანტონი აცხადებს, რომ სალომე ზურაბიშვილის პოზიცია აგვისტოს ომთან დაკავშირებით მისთვის მიუღებელია.

„მისი აზროვნება ჩემი ქვეყნისთვის სავსებით მიუღებელია. მე იმ საქართველოში არ მინდა, სადაც მასეთი აზროვნებით იქნება… დავუშვათ, ასეც რომ ყოფილიყო, ყველა დონეზე ასეც რომ ყოფილიყო, ეს არ უნდა ეთქვა,“ – განაცხადა მეუფემ.

მეუფე ანტონი სალომე ზურაბიშვილის პრეზიდენტად არჩევის შემდეგ ქვეყნისთვის მოსალოდნელ საფრთხეებზე საუბრობს და აღნიშნავს, რომ ზურაბიშვილი გაპრეზიდენტების შემდეგ შეხედულებებს არ შეიცვლის.

„არ გამხდარა და ასე არის და რომ გახდება, შეეცვლება უკეთესობისკენ აზრი? მე ნამდვილად არ მინდა იმ საქართველოში ცხოვრება… შეიძლება, თავშესაფარი ვითხოვო,“ – განაცხადა მეუფე ანტონმა.