საპატრიარქო ხელისუფლებას დაკავებულებისადმი ლოიალობისკენ მოუწოდებსივნისი 25, 2019

ბოლო დღეებში დედაქალაქში განვითარებულ მოვლენებს საქართველოს საპატრიარქო ეხმაურება და ხელისუფლებას მოუწოდებს, კანონის ფარგლებში, გამოიჩინოს მაქსიმალური ლოიალობა განსასჯელთა მიმართ.

“კიდევ ერთხელ გამოვთქვამთ გულისტკივილს  19-20 ივნისს განვითარებულ მოვლენებთან დაკავშირებით და თანავუგრძნობთ ყველა დაზარალებულს.

ამასთან, მივმართავთ ხელისუფლებას, კანონის შესაძლებლობის ფარგლებში, გამოიჩინონ მაქსიმალური ლოიალობა განსასჯელთა მიმართ.

მართალია, მათი ნაწილი უკვე გათავისუფლდა, მაგრამ ვთხოვთ,  იყვნენ შემწყნარებელნი იმ სხვა დაკავებულთადმიც, რომელნიც, გულწრფელ ემოციებს აყოლილნი, ჩაერთნენ პროცესებში.

ღმერთმა დალოცოს სრულიად საქართველო” – აღნიშნულია საპატრიარქოს განცხადებაში.